أكثر من راية تُرفع، هو رايـة انتمـاء ووفـاء.

علمنا مش قطعة قماش بتترفرف…
علمنا هو تاريخ، هو دم الشهداء، وهو أمل الأجيال القادمة.

العلم رمز… لكن الأهم: شو بنعمل تحته؟
إذا ما كان فينا صدق، وأمانة، وشعور بالمسؤولية اتجاه الوطن، شو بفيدنا نرفع علم فوق، وإحنا نهدم تحته؟

الانتماء مش بوست ولا شعار ولا أغاني ولا صور، الانتماء إنك:
*  تحافظ على أمـن وطنك، لأنو الأمـن مش دائم إذا الناس ما كانت قدّه.
*  تزرع في ابنك حب وحماية بلده، مش خوفه منّه.
*  تعلّمه إن الخطر الحقيقي على وطنه مش من الداخل فقط… بل من عدوّ خارجي ما زال يحتل، يقتل، ويهدد كل ما هو عربي…
* علّمه إن الخطر الصهيوني هو التهديد الأكبر لأمننا وهويتنا ومستقبلنا، وإنه الدفاع عن الوطن بيكون بكل الطرق والأساليب، من الكلمة للموقف للفعل.
*  ترفض الفتنة حتى لو الكل ساكت.
* تشتغل بضمير وعطاء، مش بس ترفع الراية وتروح.

يوم العلم… هو تذكير، إنو الوطن ما بينبنى إلا بإيدين صادقين مخلصين، وبقلوب مؤمنة إنو بكرا لأولادنا، مش لمصالحنا.

فلنرفع علمنا، مش بس على الساريات…
نرفعه في عقولنا، في قلوبنا، في شغلنا، في مواقفنا، في كرامتنا، وفي محبتنا لبعض.

وكل عام وعلمنا… مرفوع بالحق والخير والجمال والانتماء.

د. طـارق سـامي خـوري
16/4/2025